बिराटनगर । रंगेली रोड सडकखण्डको निर्माण कार्य विधिवत रूपमा मंगलबार विश्वकर्मा पूजाको शुभ साइतमा शुरू भएको छ। बवियाविर्ताको दिना टोलदेखि रञ्जनी, काजीमान चोक, दोवरीया घाट हुँदै ऐतिहासिक गान्धी आश्रम जोड्ने १८ किलोमिटर लम्बाइको सडक निर्माण कार्यको थालनी गरिएको हो। यस सडक निर्माणले स्थानीय क्षेत्रको यातायात सुविधामा उल्लेखनीय सुधार ल्याउने विश्वास गरिएको छ,भन्ने कुराको जानकारी समाज सेबि तथा युवा नेता अभिषेक  गिरिले बताए । जसले कृषि, व्यापार तथा अन्य आर्थिक गतिविधिमा पनि सकारात्मक प्रभाव पार्ने अपेक्षा गरिएको छ। स्थानीयवासीहरू यस विकास कार्यलाई लिएर निकै उत्साहित देखिएका छन्।