बिराटनगर । त्रिभुवन अन्तर्राष्ट्रिय विमानस्थलबाट पाँच किलो सात सय ग्राम सुनसहित तीन जनालाई सशस्त्र प्रहरी बल नेपालले पक्राउ गरेको छ। एयर अरेबियाको विमानमार्फत शारजाहबाट काठमाडौँ आएका तीन जनालाई मङ्गलबार साँझ नियन्त्रणमा लिइएको हो।
पक्राउ पर्नेमा एक जना चिनियाँ र दुई जना म्यान्माका नागरिक रहेका छन्। त्रिभुवन अन्तर्राष्ट्रिय विमानस्थल भन्सार कार्यालयमा उनीहरुलाई राखेर अनुसन्धान सुरु गरिएको जनाइएको छ।
