विराटनगर – मोरङ जिल्लाको कटहरी गाउँपालिका वडा नम्बर ३ मा रहेको सुप्रभा इङ्लिस बोर्डिङ स्कुलको बस आज बिहान ९ बजे तिर दुर्घटनामा परेको छ। बस विद्यार्थी लिन जाँदै गर्दा जहदाँ गाउँपालिका वडा नम्बर ४ सिसोबारीमा दुर्घटना भएको हो।
बसमा २२ जना विद्यार्थी सवार थिए। दुर्घटनामा सबै विद्यार्थीलाई सामान्य चोटपटक लागेको छ। विद्यालयका शिक्षक सुरेश राजवंशीका अनुसार विद्यार्थीहरूलाई तत्काल अस्पताल पुर्याएर स्वास्थ्य परीक्षण गरिएको र उनीहरूलाई सकुशल घर पठाइएको छ।
दुर्घटनाको कारण खुलेको छैन भने थप अनुसन्धान भइरहेको स्थानीय प्रशासनले जनाएको छ।
