विराटनगर । शुक्रबार तीनकुनेमा भएको राजाबादी र प्रहरी बिचको झडपमा प्रहरीको बन्दुक लुट्ने व्यक्तिको पहिचान खुलेको छ। उनी रुपन्देही निवासी ३८ वर्षीय गोपाल मल्ल रहेको प्रहरीले पुष्टि गरेको छ।
प्राप्त जानकारी अनुसार, मल्ल लामो समयदेखि काठमाडौंको मनमैजु क्षेत्रमा आइसक्रिम बेच्दै आएका थिए। उनी हालसम्म कुनै आपराधिक गतिविधिमा संलग्न नभएको जानकारी खुलेको छ। तर गत शुक्रबार भएको राजाबादीको आन्दोलनमा सहभागी भई प्रहरीको बन्दुक लुटेका थिए।
उनलाई चिन्ने एक व्यक्तिले भने, “उनी हाम्रो घरमा भाडामा बस्ने व्यक्ति हुन्। एक्लै बस्ने र आइसक्रिम बेचेर जीविकोपार्जन गर्ने मान्छे थिए। मानसिक अवस्था ठिक नभएर यस्तो घटनामा संलग्न भए जस्तो देखिन्छ।”
प्रहरीले उनलाई विद्रोह, संगठित अपराध, र लुटपाटको आरोपमा पक्राउ गरेको छ। उनलाई चिन्नेले यस घटनाले आश्चर्यमा पारेको छ, किनकि उनलाई सामान्य रूपमा संघर्षरत मजदुरको रूपमा चिनिन्थ्यो।
