विराटनगर । भाटभटेनी सुपरमार्केटका सञ्चालक मीनबहादुर गुरुङले गत चैत १५ गतेको घटनामा मृत्यु भएका दुई युवाका परिवारलाई आर्थिक सहयोग गर्ने घोषणा गरेका छन्।
आज आयोजित एक विशेष कार्यक्रममा उनले उक्त घटनामा ज्यान गुमाएका पत्रकार सुरेश रजक र सवारी मजदुर सविन महर्जनका परिवारलाई आर्थिक राहतस्वरूप सहयोग प्रदान गर्ने घोषणा गरे। गुरुङले सुरेश रजकको परिवारलाई पाँच लाख रुपैयाँ र सविन महर्जनको परिवारलाई तीन लाख रुपैयाँ दिने बताएका छन्।
यस निर्णयले शोकाकुल परिवारलाई केही राहत मिल्ने अपेक्षा गरिएको छ। गुरुङले संकटका बेला पीडित परिवारलाई सहयोग गर्नु सामाजिक दायित्व भएको बताए।
समाजसेवामा सक्रिय व्यवसायी गुरुङले यसअघि पनि विभिन्न विपत्तिपीडित तथा दु:खी परिवारलाई सहयोग गर्दै आएका छन्। उनका अनुसार भविष्यमा पनि यस्ता कार्यलाई निरन्तरता दिने प्रतिबद्धता व्यक्त गरेका छन्।
