बिराटनगर । बिराटनगरबाट गाईघाटतर्फ गइरहेको यात्रुवाहक बस सप्तकोसी नदीमा खस्दा सबै यात्रुको सकुशल उद्धार भएको छ। प्रहरी नायव उपरीक्षक नविनकृष्ण भण्डारीका अनुसार, को १ ख ४६०१ नम्बरको बस कोसी ब्यारेजस्थित सप्तकोसी नदीमा खसेको हो।

बसमा सवार सबै यात्रुलाई सकुशल उद्धार गरिएको छ भने केही घाइते भएकाहरूलाई थप उपचारका लागि अस्पताल पठाइएको भण्डारीले जानकारी दिए। दुर्घटनाको कारण भने हालसम्म खुल्न नसकेको र घटनाबारे थप अनुसन्धान भइरहेको प्रहरीले जनाएको छ।